昨日是last day,今日變無業游民了...有點唏噓...
失業第一天的朝早,有2份工作約了我去面試,很幸運,2間公司的地點都在同一條街上,唔使趕頭趕命去下一埸...但是,今次的面試有點兒難度,我要花點腦力去思考佢的問題再回答...雖然,答得唔係咁掂,唔流暢,唉...算喇,面試都完了,我會將佢問我的難題mark底,慎防下份工又係咁問我,起碼我都有準備,唔會口姪姪...
今天的天氣都是不太好,既黃雨,又紅雨,見完工,雨細了,剛好又係lunch hour,諗住約carol去食lunch,點知原來佢公司係包飯架!!!!唔食要早通d佢個煮飯阿姐,下次,我又經開呢頭見工的話,我會預先同你make個appointment架喇...
最後,唔好浪費時間喇,我的下午節目係........我走左去銀行入票&打薄<--今次真難得,唯一一次唔使排隊,跟住,見到銀行門口有巴士站去青衣,先至諗起....係喎~~~~我仲有個HD cert仲未攞喎,呢期見工會用到,還是快快去拿吧,我都有d驚太耐唔去攞,學校會掉左佢...
so far,去到學校校務處,幸好尚記得課程編號,縮短佢地揾file的時間,原來,我都未算係最遲取証書,我排第二jar...
跟住,就係返屋企的行程,中途站係荃灣,經開荃灣,當然要撞撞運氣<--唔係去馬會,係去紅十字捐血站,點解要講運氣呢???因為每次經過荃灣,諗住入去捐捐血,我的督手指報告一定係fail,次次都係血色素偏低,even前一晚訓飽,食飽都係咁...今次,搭車由青衣去荃灣途中,我都諗左好耐去唔去呢?因為at this moment,我都幾眼訓,前一晚訓左幾個鐘jar,諗起督手指都未必pass,但心諗,落車位就係,試下都無防,結果係一take pass喎,so surprise...真係要去買條六合彩!!!!護士姐姐問我捐350cc好唔好???都好,咁多年冇捐過,一次過捐多d...可能,真係太耐未捐血,護士姐姐放左一個透明包包係我手臂隔離,我以為係350cc的裝血包包,眼見點解pump左幾吓都唔full,唔流動,心怕會唔會係我的血管太幼,所以,我都加倍努力,但透明包包都係扁扁的,冇幾耐聽到do do聲,以為係隔離床,原來係自己果邊,包血已經full左,掛左係床邊,唔係手臂側!!!結果,我花了幾分鐘就完成了,仲諗住慢慢enjoy個過程...
捐血完畢,當然係飲杯"美綠"+食2包檸檬隔心餅,再跟住,緊係返屋企休息吓喇.....
overall,失業第一天尚算充實&有意義~~~
